Pactes de mariage entre Pierre de ROQUEMAUREL et Marguerite de CABALBY

Source :

• Acte original passé le 23 septembre 1590, chez Maître Michel Paginel notaire à Saint-Girons.
• Copie originale insinuée au parlement de Toulouse le 22 janvier 1591.
• Registre des insinuations conservé aux Archives Départementales de la Haute-Garonne à Toulouse (Série B insinuations, registre 4^e, folio 540 verso et suivants) ; registre microfilmé sous la cote 2Mi1034.
• Transcription réalisée par Bramayre

Pactes de mariaige faictz entre noble Jean de Roquemaurel et pierre de Rocquemaurel pere et filz dvne part Et noble Bernard Cabalby seigneur d’olus conseigneur de Seys montardit et fabas et damoyselle marguerite de Cabalby sa fille dautre

Saichent tous presans Et advenir que Lan mil Cinq cens quatre vingtz dix Et le vingt troysiesme Jour du moys de Septembre dans Lesglise parrochielle de vic au dioceze et Vicomte de couzerans Seneschaucee de thoulouze apres midy En presance des tesmoingz bas nommes et de moy notaire Royal soubzsigne Establis en personnes Nobles Jean de Rocquemaurel conseigneur du lieu de cazavet et pierre de Rocquemaurel pere et filz dudict Cazavet audict dioceze Et noble bernard Cabalby seigneur d’olus conseigneur de Seys montardit et fabas Et au dioceze et damoyselle marguerite de Cabalby sa fille dudict Lieu de Vic habitans Lesquelz pierre de Rocquemaurel et marguerite de Cabalby de Licence et permission de Leursdicts peres Laquelle Leur ont baillé pour passer le contenu du presant Instrument Sur Les pactes de mariaige dentre lesdicts pierre et marguerite Tous de bon et franche voulonte Ont faictz et passes Les pactes de mariaige dentre lesdicts de Rocquemaurel et marguerite de Cabalby comme sensuit Premierement Est promis et accordé que ledict mariaige se fera et consomera en ladicte Esglise appostolicque catholicque et Romayne a la requisition de Lvne desdictes parties Et pour contemplation dudict mariaige Ledict cabalby pere pour tous biens paternelz et maternelz a constitue et promis en douayre a ladicte de Cabalby sa fille legitime et naturelle La somme de mil Escus sol de troys Livres Lescu suivant Lordonnance Lict Et habilhemens nuptiaulx et deux coffres de bahut et la moitie dvne Vigne que ledict cabalby a en la Juridiction et terrytoire de la ville de sainct girons communement appelee La vigne du Luc Confrontant avec maistre bernard rocqué notaire du cousté de Septentrion et par dessus avec le chemin public par dessoubz avec Raymond amilhat avec le champ dudict cabalby et de midy avec Joseph binet Et autres confrontations Ladicte vigne a partir par moitie A prendre Ladicte somme de mil Escus a savoir deux cens trente troys Escus des biens et droitz legues par feue damoyselle Jeanne de Sirgant mere et le demeurant des biens dudict cabalby pere pour Laquelle toutelle somme Ledict cabalby pere a promis faire bon et payer Et pour les acoustremens Vne Robbe de taffetas cramoysin a gros grain / Vne Robbe fin noir de paris doublee de satin Vng cottillyon de Satin autre de damas des colleurs que lesdicts Espous choisiront Payable La moitie dudict douayre Et acoustremens Le Jour des nopces et lautre moitie dans Lan complect desdictes nopces Lequel douayre lict et habillemens susdict Lesdicts de Rocquemaurel pere et filz ont asseuré et assigné ensemble Laugmant duquel Est pacte entre lesdictes parties du tiers et cart suivant La coustume du presant païs que advenant le deces de Ladicte de cabalby ledict de rocquemaurel mary survivant gaignera le cart dudict douaire et ladicte de cabalby survivant audict de rocquemaurel Gaignera aultant que la troysiesme partie dudict douayre Se montent Et pacte que Lesdicts de Rocquemaurel pere et filz donnent et font heritier de la moitie de tous Les biens presens et advenir au premier enfent masle qui descendra dudict mariaige habil a succeder Soy reservant aussi La nomination dudict premier heritier a vng autre enfent masle qui dudict mariaige Sy ledict premier filz ne leur estoit agreable Et accorde / que Ladicte de cabalby espouze a renonce moyenant ledict douayre et quitte tous biens paternelz et maternelz en faveur de sondict pere et de son heritier Soy reservant future succession au cas du decez des plus proches Linagues Lesquelz pactes Lesdictes parties ont promis tenir et observer respectivement / et pour authoriser les presans pactes en la court de monsieur le seneschal de thoulouze Ont faict tous procureurs praticans en ladicte court A chascun deulx pour consantir a lauthorisation diceulx Et ainsiy lont promis soubz ypothecque et obligation de tous et chascuns leurs biens Lesquelz ont soubzmis aulx rigueurs des courtz du scel maige de thoulouze et autres du presant royaulme de france Et ont renoncé a tous droitz par lesquelz pourroient faire et Venir contre la teneur des presans pactes Et ainsiy lont Juré Sur les sainctz evangilles nostre seigneur de quoy lesdictes parties ont requis a moy dict notaire leur en retenir acte et Instrument En presences de Maistres Jean Sirgant prestre chanoyne et secrestain du couzerans Arnaud doignac prestre recteur de seyx Arnaud anouilh Vicaire dudict lieu Nobles Guillaume de rocquemaurel conseigneur de Seys Jacques Sirgant Receveur du Roy au lieu de Seys Gaspard et Gabriel Sirgantz dudict lieu de Seys habitans et Vital bordes du lieu de prat habitans Soubzsignes a la cede originalle avec lesdictes parties B / cabalby / de Rocquemaurel / p roquemaurel Sirgant / A doignac prestre recteur / Anouilh prestre vicaire de Vic / Jacques Sirgant tesmoing / Sirgant tesmoing / Sirgant tesmoing / bordes ainsiy signes et de moy michel paginel notaire royal habitant de la ville de sainct girons Soubzsigne M / paginel notaire royal soubzsigne

Maistres Ramond Savielly pour Lesdicts cabalbis pere et filz Et Jean fortanier pour lesdicts rocquemaurel pere et filz chacun pour ses parties Requierent Lauthorisation et Insinuation des presans pactes de mariaige Et acte et registre en estre retenu et expedie a Thoulouze le vn Janvier mil v^c quatre vingtz vnze Savielly fortanier signes

Dupin procureur du Roy en la Seneschaucee de thoulouze dit avoir Veu les presans pactes de mariaige Ausquelz ledict seigneur n’a aulcun Intherest Et quant a lauthorisation et Insinuation requise sen remect a la discretion de la court a Thoulouze le vn Janvier mil v^c quatre vingtz vnze Dupin procureur du Roy signe

Jean de la Valete Seigneur de cornusson des montelz lestanc et autres lieux Gentilhomme ordinaire de la chambre du Roy Seneschal de thoulouze et albigeois A tous ceulx qui Les presantes verront Salut Savoir faisons Ce Jourdhuy datte des presantes a lisseue du conseil de matin Pardevant Maistre françois de cambolas Lieutenant principal et general Avoir compareu les susdicts Savielly et fortanier procureurs et lesdicts chacun pour sa partie Lesquelz reprenant Leursdictes requisitions ont respectivement requis Lauthorisation Insinuation et registre des presens pactes de mariaige contenant donnation et Les parties tenus garder et observer le contenu en Icelluy Sy que ouy et consantant le procureur du Roy en ladicte Seneschaucee Par Ledict sieur de cambolas lieutenant susdict auroit este ordonné que les presans pactes de mariaige contenant donnation estoient tenus pour Insinues et seroient enregistres en registres de la presente court y Interposant le decret partant que besoing Seroit le decret et authorite Judicielle Lequel registrement auroy este despuis faict Comme de ce les registres de ladicte court attestent En Tesmoing de quoy avons faict expedier ses presantes signes et scellees A Thoulouze Le vingt deuxiesme Janvier mil v^c quatre vingtz vnze de cambolas lieutenant principal et general Jansoud greffier Signes

Domaine du Maréchal Gérard (2)

Archéologie Pyrénéenne
Antiquités religieuses, historiques, militaires, artistiques, domestiques et sépulcrales,
d’une portion de la Narbonnaise, et de l’Aquitaine, nommée plus tard Novempopulanie,
ou
Monuments authentiques de l’Histoire du Sud-Ouest de la France, depuis les plus anciennes époques jusques au commencement du treizième siècle,
par Alexandre du Mège (de la Haye)
TOME I
1858

(page 550 ...)
La demeure d’un autre du Faur, non moins estimable, non moins célèbre, n’offre plus aujourd’hui que des ruines. C’est là que du Faur de Saint-Jory, cousin de Pibrac, écrivit de nombreux ouvrages sur le Droit Romain, et qu’il composa son Agonisticon, ou son savant traité des jeux des anciens. Sa demeure, dont la façade tournée au nord, était décorée de belles sculptures, dues au ciseau de Nicolas Bachelier, n’existe plus. Les statues en pierre qu’on y remarquait, entièrement mutilées, ont, comme les briques des murailles, été vendues par un intendant ignorant, qui n’a pas fait connaître au maréchal [Gérard], possesseur de ce domaine, ce que ce lieu offrait de digne de remarque ; une seule tourelle montrait encore, il y a peu d’années, ses meurtrières ; la grande salle, transformée en grenier, offrait sur sa vaste cheminée ces mots empruntés à Horace : Multa renascentur quæ jam cecidere...
(... page 550)

Domaine du Maréchal Gérard (1)

Histoire des institutions
religieuses, politiques, judiciaires et littéraires
de la ville de Toulouse,
Par M. le Chevalier Alexandre du Mège.
Tome quatrième.
1846.

(page 60 ...)
En se rapprochant de Toulouse, on trouve, tout près du grand chemin, des murs dégradés, des corniches et des colonnes mutilées, des chapiteaux brisés, des murs renversés, des tours écrasées. C’est tout ce qui reste du château d’un parent de Dufaur de Pibrac : c’est tout ce qui annonce la demeure, autrefois somptueuse, du savant Dufaur de Saint-Jory.
Ces ruines appartiennent à M. le maréchal Gérard.
Pierre Dufaur, de Saint-Jory, d’abord conseiller au grand conseil, puis maître des requêtes, et enfin premier président au parlement de Toulouse, où il mourut en rendant un arrêt, le 18 mai de l’an 1600, fut l’un des hommes les plus savants de son siècle. Grand jurisconsulte, il a laissé d’excellents ouvrages sur le droit ; profond littérateur, on lui doit un Traité des jeux des anciens, ou Agonisticon. « Il est vrai, dit Scévole de Sainte-Marthe, qu’en dépit de la mort même, sa réputation ne mourra jamais, En effet, tant que la langue latine se conservera et tant qu’on fera cas des bonnes lettres, les savants auront toujours en estime et en grande vénération ses doctes commentaires sur le droit, dans lesquels on remarque autant d’esprit que de jugement, et un grand nombre de traits d’une profonde doctrine. »
C’est en éprouvant une bien vive douleur que l’on parcourt les ruines du château, jadis habité par ce grand homme. Les principales portes de cette demeure étaient décorées avec une magnificence, toute royale, et un goût parfait, et comme cet édifice avait été construit au temps où renaissaient, pour nos aïeux, et les arts de l’esprit, et les arts du dessin, on avait gravé, sur la cheminée de la grande salle, ces mots d’Horace que l’on y lit encore :

Multa renascentur.

(... page 61)